Advertisement

Responsive Advertisement

कुलदैवत सौंदत्ती यल्लमा देवीच्या दर्शनाने महेश मालक इंगळे यांच्या वाढदिवसाचा आनंद द्विगुणित! मित्र परिवारासह कुलदैवताचे घेतले मनोभावे दर्शन; प्रा.शिवशरण अचलेर यांच्याकडून महेश मालक इंगळे यांच्या सामाजिक कार्याचे कौतुक व वाढदिवसाच्या शुभेच्छांचा वर्षाव

अक्कलकोट - प्रतिनिधी : वाढदिवस म्हटले की शुभेच्छांचा वर्षाव, मित्रपरिवाराचा सहवास आणि आनंदोत्सव असे चित्र सर्वत्र पाहायला मिळते. मात्र, वाढदिवसाच्या निमित्ताने आपल्या कुलदैवताचे दर्शन घेऊन आशीर्वाद प्राप्त करण्याचा आनंद काही वेगळाच असतो. असाच भक्तिमय आणि आनंददायी सोहळा श्री वटवृक्ष स्वामी महाराज देवस्थानचे चेअरमन तथा नगरसेवक महेश मालक इंगळे यांच्या वाढदिवसानिमित्त सौंदत्ती येथे अनुभवायला मिळाला. महेश मालक इंगळे यांनी आपल्या मित्र परिवारासह कुलदैवत श्री सौंदत्ती यल्लमा देवीचे मनोभावे दर्शन घेतले. या दर्शनामुळे त्यांच्या वाढदिवसाचा आनंद द्विगुणित झाल्याचे मनोगत सी.बी. खेडगी महाविद्यालयाचे सेवानिवृत्त प्राध्यापक तथा महेश मालक इंगळे मित्र परिवारातील ज्येष्ठ सदस्य प्रा. शिवशरण अचलेर यांनी व्यक्त केले.

महेश मालक इंगळे हे धार्मिक, सामाजिक आणि जनसेवेच्या कार्यात नेहमीच सक्रिय असतात. श्री वटवृक्ष स्वामी महाराज देवस्थानच्या चेअरमनपदाची जबाबदारी सांभाळताना त्यांनी स्वामी भक्तांना चांगल्या सुविधा उपलब्ध करून देण्यासाठी विविध उपक्रम आणि नियोजनाच्या माध्यमातून प्रयत्न केले आहेत. देवस्थानमध्ये येणाऱ्या भाविकांना सुलभ दर्शन मिळावे, धार्मिक परंपरा जपल्या जाव्यात आणि देवस्थानच्या माध्यमातून भाविकांची सेवा घडावी, यासाठी ते सातत्याने प्रयत्नशील असतात. त्यांच्या याच कार्याची मित्र परिवारातही विशेष दखल घेतली जाते.

वाढदिवसाचे औचित्य साधून महेश मालक इंगळे यांनी आपल्या मित्र परिवारासह सौंदत्ती येथील श्री यल्लमा देवी मंदिरात जाऊन देवीचे मनोभावे दर्शन घेतले. यावेळी सर्वांनी देवीच्या चरणी नतमस्तक होऊन आशीर्वाद घेतले. मंदिर परिसरात भक्तिमय वातावरणात दर्शनाचा सोहळा पार पडला. आपल्या जीवनातील महत्त्वाच्या दिवशी कुलदैवताचे दर्शन घेऊन मित्र परिवारासोबत वेळ घालविण्याचा आनंद यावेळी सर्वांनी अनुभवला.

याप्रसंगी सौंदत्ती यल्लमा देवस्थानच्या वतीने महेश मालक इंगळे यांचा वाढदिवसानिमित्त देवीची शाल, श्रीफळ आणि प्रसाद देऊन यथोचित सन्मान करण्यात आला. या सन्मानामुळे वाढदिवसाच्या आनंदात आणखी भर पडली.

यावेळी मनोगत व्यक्त करताना प्रा. शिवशरण अचलेर म्हणाले की, सौंदत्ती यल्लमा देवी हे आपल्या सर्वांचे कुलदैवत आणि श्रद्धास्थान आहे. देवीवरील श्रद्धा आणि तिचे आशीर्वाद हे आपल्या सर्वांसाठी मोठे बळ आहे. महेश मालक इंगळे यांनी आपल्या वाढदिवसानिमित्त मित्र परिवारासह कुलदैवताचे दर्शन घेतल्याने आजचा आनंद अधिकच द्विगुणित झाला आहे.

महेश मालक इंगळे यांना यल्लमा देवीच्या कृपेनेच समाजसेवेचे बळ मिळते. श्री वटवृक्ष स्वामी महाराज देवस्थानच्या माध्यमातून त्यांनी स्वामी भक्तांची जी सेवा केली आहे, ती खरोखरच वाखाणण्याजोगी आहे. देवस्थानच्या माध्यमातून भाविकांना सेवा-सुविधा मिळाव्यात आणि प्रत्येक भक्ताला समाधान मिळावे, यासाठी ते सातत्याने प्रयत्न करतात. धार्मिक कार्याबरोबरच सामाजिक बांधिलकी जपण्याची त्यांची वृत्ती कौतुकास्पद आहे.

यल्लमा देवीने महेश मालक इंगळे यांना उत्तम आरोग्य, दीर्घायुष्य, सुख-समृद्धी आणि यश प्रदान करावे. त्यांच्या हातून यापुढेही अशीच समाजसेवा आणि जनसेवा घडत राहावी, त्यांना प्रत्येक कार्यात यश मिळावे आणि समाजासाठी अधिकाधिक चांगले काम करण्याची शक्ती मिळावी, हीच देवीच्या चरणी प्रार्थना आहे. त्यांच्या वाढदिवसानिमित्त मनःपूर्वक शुभेच्छा व्यक्त करतो, असेही प्रा. अचलेर यांनी सांगितले.

या प्रसंगी महेश मालक इंगळे मित्र परिवारातील बाळासाहेब एकबोटे, प्रा. शिवशरण अचलेर, अंकुश केत, श्रीशैल गवंडी, सुनील पवार, स्वामीनाथ मुसळे, तुषार मोरे आदी मान्यवर उपस्थित होते. सर्व मित्र परिवाराने महेश मालक इंगळे यांना वाढदिवसाच्या मनःपूर्वक शुभेच्छा देत त्यांच्या पुढील वाटचालीसाठी सदिच्छा व्यक्त केल्या.

दर्शनानंतर सर्व मित्र परिवाराने यल्लमा देवीच्या मंदिर परिसरात काही काळ एकत्रित घालवला. मित्रांचा सहवास, कुलदैवताचे दर्शन, देवीचा आशीर्वाद आणि शुभेच्छांचा वर्षाव अशा आनंददायी वातावरणात वाढदिवसाचा सोहळा उत्साहात आणि भक्तिमय पद्धतीने संपन्न झाला.

कुलदैवताचे आशीर्वाद, मित्र परिवाराची साथ आणि समाजसेवेचा संकल्प अशा त्रिवेणी संगमातून महेश मालक इंगळे यांचा वाढदिवस यंदा विशेष संस्मरणीय ठरला.

Post a Comment

0 Comments