Advertisement

Responsive Advertisement

पत्रकारितेतील योगदानाची दखल; अक्षय बबलाद यांचा श्रमिक पत्रकार संघाच्या वतीने सत्कार

पुष्पगुच्छ देऊन व मिठाई भरवून वाढदिवसाच्या शुभेच्छा; पत्रकारितेतील कार्याचा गौरव

सोलापूर (प्रतिनिधी) : दैनिक लोकशाही मतदारचे संपादक अक्षय बबलाद यांच्या ५ ऑक्टोबर रोजी झालेल्या वाढदिवसानिमित्त श्रमिक पत्रकार संघ, सोलापूर यांच्या वतीने त्यांचा उत्साहपूर्ण वातावरणात सत्कार करण्यात आला. पुष्पगुच्छ देऊन आणि मिठाई भरवून त्यांना वाढदिवसाच्या शुभेच्छा देण्यात आल्या. पत्रकारितेच्या माध्यमातून सामाजिक प्रश्नांना वाचा फोडणाऱ्या आणि सर्वसामान्यांच्या समस्यांना व्यासपीठ मिळवून देण्यासाठी सातत्याने प्रयत्नशील असलेल्या अक्षय बबलाद यांच्या कार्याचा यावेळी गौरव करण्यात आला.

श्रमिक पत्रकार संघाचे ज्येष्ठ सल्लागार तथा दैनिक सांजचे संपादक अविनाश कुलकर्णी, संघाचे खजिनदार किरण बनसोडे आणि कृष्णा चव्हाण यांच्या हस्ते हा सत्कार करण्यात आला. यावेळी उपस्थित पत्रकार बांधवांनी अक्षय बबलाद यांना वाढदिवसाच्या शुभेच्छा देत त्यांच्या पुढील पत्रकारितेच्या वाटचालीसाठी सदिच्छा व्यक्त केल्या.

याप्रसंगी बोलताना किरण बनसोडे यांनी अक्षय बबलाद यांच्या पत्रकारितेतील योगदानासह सामाजिक क्षेत्रातील कार्याचा विशेष उल्लेख केला. पत्रकारिता हे केवळ बातम्या देण्याचे माध्यम नसून समाजातील विविध प्रश्नांना वाचा फोडणे, जनतेच्या समस्या प्रभावीपणे मांडणे आणि सर्वसामान्यांना न्याय मिळवून देण्यासाठी प्रयत्न करणे ही पत्रकारितेची महत्त्वाची जबाबदारी आहे. या दृष्टिकोनातून अक्षय बबलाद यांनी पत्रकारिता आणि सामाजिक क्षेत्रात केलेले कार्य निश्चितच कौतुकास्पद असल्याचे त्यांनी नमूद केले. भविष्यातही त्यांनी आपल्या लेखणीच्या माध्यमातून जनतेचे प्रश्न मांडत पत्रकारितेतील आपली वाटचाल अधिक व्यापक करावी, अशा शुभेच्छाही त्यांनी दिल्या.

वाढदिवसानिमित्त आयोजित या सत्कारातून अक्षय बबलाद यांच्याविषयी पत्रकार बांधवांच्या मनात असलेला स्नेह, आपुलकी आणि आदर दिसून आला. पत्रकार संघटनांच्या माध्यमातून सहकाऱ्यांच्या कार्याची दखल घेत त्यांना प्रोत्साहन देण्याची परंपरा ही पत्रकारितेतील एकजूट आणि परस्पर सहकार्याचे प्रतीक असल्याची भावना यावेळी व्यक्त करण्यात आली.

या प्रसंगी नंदकुमार येचे, अजित उंब्रजकर, महेश हणमे, संतोष कासे यांच्यासह श्रमिक पत्रकार संघाचे पदाधिकारी, सदस्य आणि अन्य पत्रकार बांधव उपस्थित होते. उपस्थितांनी अक्षय बबलाद यांना वाढदिवसाच्या शुभेच्छा देत त्यांच्या भावी वाटचालीसाठी शुभेच्छांचा वर्षाव केला.

Post a Comment

0 Comments